Chiara Ferragni është shtatzënë dhe do të bëhet nënë për herë të dytë, ndërsa është herët për të folur për gjininë e bebit që do të vijë në jetë. Lajmin e bukur e ka dhënë vetë blogerja e cila ka publikuar një foto të vogëlushit të saj Leo, i cili mban në dorë ekon e bebushit që do të jetë vëllai ose motra e tij e vogël. “Familja jonë po rritet. Leo do të bëhet vëlla i madh”, shkruan Chiara në postimin e saj. Por ai që ka tërhequr vëmendjen është komenti i Fedez, i cili me shaka thotë se nuk ishte fare në dijeni të këtij lajmi:

“Po unë nuk dija asgjë”, shkruan partneri i blogeres. Chiara dhe Fedez u lidhën në vitin 2016, ndërsa në maj të vitit 2017 erdhi propozimi super romantik. Ata u bënë prindër për herë të parë në mars të vitit 2018, dhe janë dy prej njerëzve më të ndjekur të rrjeteve sociale, dhe më me ndikim në Itali, sa i takon botës së modës.