Lajme

DPSHTRR: Fation Plaku, mesazh këmbësorëve për sigurinë rrugore

Udhërrëfyesi dhe fotografi i mirënjohur, Fation Plaku, iu bashkua ftesës së Drejtorisë së Përgjithshme të Transportit Rrugor (DPSHTRR) për të qenë pjesë e fushatës së Ambasadorëve të Sigurisë Rrugore për ndërgjegjësimin mbi udhëtimin e sigurt.

Nga eksperienca e tij në udhëtimet në Shqipëri, por edhe nga përditshmëria që shohim në rrugë, Fation Plaku sjell vëmendjen te kujdesi që këmbësorët duhet të kenë për të shmangur sjelljet e shpenguara në rrugë. “Kemi këmbësorë që kalojnë rrugën në vendet më të papërshtatshme, duke injoruar vijat e bardha apo semaforin e kuq, shpesh herë duke folur në telefon, pa kontrolluar paraprakisht trafikun që afrohet”, thotë ai.

Sipas statistikave, 51% e këmbësorëve dhe çiklistëve përfshihen në aksidente në zonat urbane. Plaku jep edhe disa këshilla që duhet të zbatojnë këmbësorët.

“Të ecim gjithmonë në trotuar. Të mos përdorim asnjëherë telefonin ndërsa kalojmë rrugën. Të kalojmë rrugën vetëm në prani të vijave të bardha ose semaforit. Të ndalojmë në kryqëzim, të shohim rrugën nga të dyja anët, të sigurohemi që nuk ka makina dhe pastaj të kalojmë”, thotë ai.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: