Një aksident rrugor është regjistruar rreth orës 18:00 në aksin Levan–Vlorë, në rrugën e vjetër, ku një automjet ka përplasur një këmbësor 74-vjeçar.
Sipas njoftimit të Policisë, automjeti drejtohej nga një 58-vjeçar me inicialet A. B., ndërsa këmbësori, A. Sh., banues në fshatin Levan, ka mbetur i lënduar.
Pas aksidentit, 74-vjeçari është transportuar në Spitalin Rajonal të Fierit, ku po merr ndihmën e nevojshme mjekësore.
Ndërkohë, drejtuesi i automjetit është shoqëruar në Komisariat për kryerjen e veprimeve të mëtejshme procedurale. Nga testi i alkoolit të kryer ndaj tij ka rezultuar se 58-vjeçari nuk kishte konsumuar alkool.
Grupi hetimor vijon punën për të dokumentuar ngjarjen dhe për të përcaktuar rrethanat dhe shkakun e aksidentit.
Njoftimi i policisë:
“Fier/Informacion paraprak. Rreth orës 18:00, në aksin rrugor Levan–Vlorë (rruga e vjetër), automjeti që drejtohej nga shtetasi A. B., 58 vjeç, ka aksidentuar këmbësorin shtetasin A. Sh., 74 vjeç, banues në fshatin Levan, i cili është transportuar në Spitalin Rajonal Fier për ndihmë mjekësore.
Drejtuesi i automjetit është shoqëruar në Komisariat për veprime të mëtejshme. Nga testi i alkoolit, 58-vjeçari rezultoi se nuk kishte konsumuar alkool. Grupi hetimor vijon veprimet për sqarimin e rrethanave dhe të shkakut të aksidentit”, njofton policia.
