Tragjedi në Itali, 61-vjeçari shqiptar humb jetën në vendin e punës, shtypet nga porta që po binte
Një 61-vjeçar me origjinë shqiptare ka humbur jetën në një aksident tragjik në punë, në lagjen Spagnolo të qytetit të Leçes, në Itali.
Viktima është identifikuar si Bashkim Rushani, pronar i një kompanie ndërtimi. Ai dyshohet se është shtypur nga një portë që po binte, duke marrë plagë të rënda që i shkaktuan vdekjen e menjëhershme.
Në vendngjarje mbërritën ekipet e emergjencës, por pavarësisht ndërhyrjes së tyre, nuk mundën të bënin asgjë tjetër veçse të konfirmonin vdekjen e 61-vjeçarit.
Rrethanat e plota të aksidentit pritet të zbardhen nga hetimet.
