Arlen Hasanaj, biznesmeni që akuzohet se ka vënë tritol në shtëpinë e Armando Dukës, nuk e ka pranuar krimin. Ai është shprehur se ka qenë në një tjetër vend në momentin ku ka ndodhur ngjarja. Gjithashtu, ai ka thënë se nuk ka pse të vërë tritol në shtëpinë e Dukës, pasi nuk ka arsye dhe nuk ka asnjë konflikt me të.
Megjithatë, policia dyshon se Hasanaj ka një konflikt me një nga bashkëpunëtorët e Dukës. 34-vjeçari, i cili figuron administratori i një biznesi në Durrës, nuk bëri rezistencë në momentin e shoqërimit, por deri tani nuk i ka pranuar akuzat. Hasanaj ka në pronësi një biznes bar kafe dhe market, Euroshop.