Vdekja e ish-pilotit të Qatar Airways, Robby Claes vijon të mbetet ende një mister. Organi i akuzës në provincën e Lummen në Belgjikë ka arrestuar në lidhje me ngjarjen të fejuarën e tij shqiptare Monika S. 44-vjeç, me profesion dentiste.

Piloti 45-vjeçar u gjet i vdekur në shtratin ku po flinte mëngjesin e 20 majit. Hetuesit ngritën fillimisht dyshimet se vdekja nuk ishte nga shkaqe natyre dhe nisën një investigim në lidhje me rastin.

Një ditë më vonë, më 21 maj, hetuesit belg urdhëruan arrestimin e të fejuarës shqiptare të pilotit, me të cilën ai kishte të planifikuar të martohej javën që u nda nga jeta.

Ndërkohë gjykata ka rrëzuar kërkesën e avokates së dentistes shqiptare për lirim nga burgu, duke nënkuptuar se provat që ajo të jetë vrasësja e të fejuarit janë shumë të forta.