Një ngjarje e rëndë ka ndodhur së fundmi në Francë. Mediat lokale bëjnë me dije se më 15 dhjetor një 41-vjeçar shqiptar nga Kosova është vetëvarur në ambientet e gjykatës pasi refuzonte të kthehej në Atdhe.
Mësohet se viktima quhet Fitim Uka dhe ngjarja e rëndë ka ndodhur në bodrumin e gjykatës së Bordo. Ai u var në kanxhellat e dritares me lidhësen e kapuçit të xhupit të tij. Policia, pastaj zjarrfikësja, nuk mundën të bënin asgjë për ta ringjallur.
Dy ditë më parë, burri kishte refuzuar të hipte në një avion për në Prishtinë. Që atëherë, ai kishte pritur që të kthehej përfundimisht në vendin e tij të origjinës, të cilin e kishte lënë pesëmbëdhjetë vjet më parë. I ardhur në Francë me vëllain e tij për t’i shpëtuar luftës në Jugosllavi, shqiptari nuk kishte arritur të integrohet në shoqëri shprehet avokati i tij.
Edhe pse dinte të fliste frëngjisht ai kishte probleme me drejtësinë veçanërisht për vjedhjet. Në momentin e dëbimit, ai po dilte nga dënimi me katër muaj burg për dhunë në familje. Ai gjithashtu vuante nga çrregullime të rënda psikiatrike dhe nga varësia ndaj alkoolit dhe drogës.
