Categories Lajme

Eksperti: Këta janë personat më të rrezikuar nga varianti Delta

“Delta” është përcaktuar nga ekspertët e shëndetit si varianti më shqetësues deri më tani i COVID-19, pasi ka aftësi të mëdha ngjitëse dhe përhapje.

Ekspert i shëndetit publik, Erion Dasho, duke e lidhur mutacionin me situatën në Shqipëri, thotë se personat e paprekur nga virusi janë më të rrezikuar ndaj varianteve të reja. “Kujdesi nuk duhet humbur asnjëherë.

Në Shqipëri kemi një situatë unike në botë, mbi 70% e popullatës është e imunizuar në mënyrë natyrale, janë persona që e kanë kaluar virusin.

Kjo nuk ndodh në asnjë vend, Gjermania e ka mbi 60% të popullatës të imunizuar por përmes vaksinës. Janë 2 milion shqiptarë që me shenja më të lehta apo sheja më të shprehura e kanë kaluar Covidin.

Por kemi ende 700-800 mijë shqiptarë ende të paimunizuar. Një pjesë e tyre mund të kenë marrë vaksinën Coronavac për të cilën unë dhe shumë ekspertë të tjerë kemi dyshime për efektivitetin e saj dhe si të tillë këta persona janë ende të ekspozuar.

Nëse hyjnë raste të reja nga jashtë, sidomos bartës të Delta që përhapet shumë më shpejt, mund të penetrojnë te xhepat e paimunizuar dhe krijojnë shpërthime të lokalizuara të SARS‑CoV‑2 . Nuk duhen anashkaluar”.

Në një intervistë për Ora News, me gazetaren Matilda Mcini, Dasho thotë se duhet shmangur ekspozimi i personave të paimunizuar.

“Pavarësisht se nuk krijojnë valë apo situata epidemike si ato në nëntor, dhjetor, janar, shkurt apo si këto që po shohim në Britaninë e Madhe, Francë etj, rrezikojnë shëndetin dhe jetën e personave që prekin. Duhet vigjilencë shumë e madhe që mos të lejojmë që këta persona të paimunizuar të ekspozohen ndaj varianteve të reja të virusit”.

Edhe pse nuk parashikon një valë të tretë të pandemisë në Shqipëri, Dasho propozon tre strategji për ti paraprirë rrezikut.

“E para të parandalojmë hyrjen në Shqipëri të rasteve të infektuar nga jashtë. Kjo bëhet duke i kërkuar çdo personi një certifikatë testimi negativ, certifikatë vaksinimi ose certifikatë si person i shëruar nga Covid. Së dyti ne kemi 250 veta aktivë, është plotësisht e mundur të kemi politika gjurmimi.

Këta persona të izolohen dhe kontaktet e tyre të gjurmohen për të bërë të mundur të izolohen të gjithë personat e infektuar të kontaktit. Në Shqipëri edhe personat e infektuar nuk po izolohen siç duhet dhe praktika e gjurmimit nuk po vepron.

Strategjia e tretë ka të bëjë me vaksinat cilësore. Coronavac ka efektivitet të dyshimtë, kemi rekomanduar vaksinat e certifikuara nga EMA ose FDA.

Çdo qytetari shqiptar, edhe atyre që e kanë kaluar Covid, duhet t’u ofrohet mundësia e të paktën një doze, kurse persona që nuk e kanë kaluar Covid apo janë vaksinuar në mënyrë të papërgjegjshme me Coronavac duhet tu ofrohen dy doza vaksine cilësore“, thotë ai.

Sipas Organizatës Botërore të Shëndetësisë, varianti Delta është rreth 60% më ngjitës se varianti Alfa i zbuluar në Mbretërinë e Bashkuar.

Ekspertët thonë se varianti Delta mund të përhapet shumë më lehtë se të gjitha variantet e tjera në një mjedis ku njerëzit nuk janë të vaksinuar apo nuk përdorin maska.

Shkencëtarët kanë zbuluar se njerëzit e infektuar me variantin Delta kanë nivele shumë më të larta të pranisë së virusit krahasuar me mutacionet e mëparshme, çfarë rezulton në arsyen që ky variant i virusit është shumë më ngjitës.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Eksperti i sigurisë: Ervis Martinaj është gjallë!

Eksperti i sigurisë, Fatjon Softa ka deklaruar këtë të hënë se Ervis Martinaj, i cili…

LEXO ME SHUME
Categories Lajme

Zbardhen detaje nga ngjarja tronditëse në Krujë/ Pasi hodhi foshnjën në lumë, nëna shkoi vetë në komisariat

42 vjeçarja Leta Koçi është paraqitur vetë në komisariatin e Krujës dhe ka deklaruar se…

LEXO ME SHUME
Categories Lajme

E rëndë në Krujë, 42-vjeçarja lind në shtëpi dhe hedh foshnjën në ujërat e lumit

Një ngjarje e rëndë është regjistruar gjatë ditës së sotme në fshatin Tapizë të Krujës.…

LEXO ME SHUME
Categories Lajme

Aksident në Fier, makina përplas biçikletën dhe largohet nga vendngjarja, plagoset një person

Një aksident ka ndodhur pak minuta më parë në lagjen “ Sheq i Madh” të…

LEXO ME SHUME
Categories Lajme

Covid-19 mund të jetë prodhuar nga një laborator

Ekziston një studim australian që do të vërtetonte origjinën e virusit që shkakton infeksionin Covid-19,…

LEXO ME SHUME