Lajme

Eremiti italian i detyruar të lërë ishullin e vetmuar pas 30 vitesh

Një eremit 82-vjeçar do të duhet të lërë ishullin e vetmuar të Budellit në arkipelagun e La Maddalenas në Sardenjën veriore. “Mauro Morandi ka kaluar 32 vjet të jetës së tij atje”, tha ai për veten.

“Megjithatë, tani ai duhet të largohet, sepse shtëpia në të cilën jetoi, një mbeturinë nga Lufta e Dytë Botërore, duhet të rindërtohet. Parku kombëtar i La Maddalena-s i kërkoi Morandit të largohet nga ishulli në fund të prillit”, shtoi ai.

Në Itali, disa e quajnë atë “njeriu nga ishulli parajsë me rërë rozë”, “Robinson Crusoe i Italisë”. Në vitin 1989, Morandi në të vërtetë donte të nisej për në Paqësor me një katamaran. Ai u ndesh me probleme pranë Budellit, por u dashurua me mini-ishullin dhe vendosi të qëndronte atje, që do të thotë se ai nuk e sheh veten si një Robinson Crusoe. “Robinson donte të kthehej në shoqëri, kurse unë jo”.

Nga një rastësi e lumtur, kujdestari i ishullit u ndërrua dhe Morandi pati mundësi të fitonte punën atje. Gjatë viteve, megjithatë, kishte gjithnjë e më shumë mosmarrëveshje me autoritetet sepse ai e kishte zgjeruar shtëpinë pa leje.

“Jam lodhur me të vërtetë nga të gjitha këto gjëra tani”, shpjegoi Morandi, i cili në të vërtetë është nga Modena në rajonin verior të Emilia-Romagna-s. Sipas tij, ishulli do të bëhet një qendër kërkimore, por një kërkesë përkatëse për park kombëtar ka mbetur pa përgjigje.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: