Platforma Akademi.al është kthyer tashmë në strukturën më të mirëorganizuar në ndihmë të nxënësve që prej ditëve të para të pandemisë .Ministrja e Arsimit Evis Kushi sëpashku me drejtuesit e Unicef ,kanë zhvilluar një takim me krijuesin e kësaj platforme ,Dean Çelaj. I riu Vlonjat i cili ka krijuar platformën ,është shprehur se tashmë janë mbi 400.000 user aktivë në platformën e cila është ndër më të organizuarat në të gjithë botën.
Në një postim ,ministrja Kushi ,vlerësoi platformën akademi.al dhe rolin e saj përgjatë kësaj kohe.Në fund të takimit u shpërndanë dhe certifikata mirnjohjeje për mësuesit që u angazhuan në krijimin e materialeve mësimdhënës Postimi i plotë: Iu bashkova me shumë kënaqësi partnerëve tanë zhvillimorë UNICEF Albania, Zyrës së OKB në Tiranë dhe Ambasadës Hollandeze në ceremoninë e dhënies së certifikatave të mirënjohjes për mësues që kanë spikatur dhe promovuar me kontributin e tyre platformën mësimore “Akademi.al”.
Mirënjohje ndaj mbështetjes së tyre, falë së cilës platforma “Akademi.al” u shndërrua që në ditën e parë të pandemisë në një alternativë me rëndësi për ofrimin e mësimit të kombinuar për nxënësit tanë. Tashmë, platforma “Akademi.al” me 400 mijë përdorues aktualë dhe me 16 mijë video mësimore është një partner i rëndësishëm i #MASR që ndihmon me një qasje gjithëpërfshirëse dhe #akses të barabartë në arsim cilësor.