Blerim Gjeladini nga “Terra marketing” ka shpjeguar në emisionin “Opinion” mënyrën se si kandidatët kanë financuar Facebook gjatë fushatës elektorale dhe impaktin që ka patur ky sponsorizim në votate tyre.

Duke  publikuar të dhënat, Gjeladini tha se në total politika shqiptare (9 parti politike dhe kandidatët e tyre) kanë shpenzuar në Facebook 378.364 dollarë.

Sipas tabelës shihet se Partia Socialiste është forca që ka shpenzuar më shumë në këtë fushatë, një vlerë prej 69,482 dollarësh.

Pas kësaj force, vjen Lulzim Basha I cili ka derdhur si kandidat 28,542 dollarë, ndjekur nga Agron Shehaj me 22640 dollarë të shpenzuar në Facebook. Ndërkohë, Kryeministri Rama rezulton më i suksesshmi në përdorimin e rrjeteve sociale. Ai ka shpenzuar vetëm 1500 dollarë dhe ka arritur të marrë 3 750 652 reagime.

Sikurse shihet PS ka shpenzuar lekë në rritjen e logos, ndërkohë që në PD kanë investuar vetë kandidatët. Sipas statistikave, politikani i vetëm që nuk ka sponsorizuar në Facebook është ish-Kryeministri Sali Berisha.