“Njerëzimi do të ngjitet në një shkallë të re qytetërimi kur edukata për ruajtjen dhe zhvillimin e qëndrueshëm të mjedisit të bëhet parësore dhe e zakonshme.” Në kuadër të Ditës Botërore të Mjedisit, sot, mes fëmijëve, prindërve, qytetarëve që jo vetëm e duan të pastër këtë qytet, por përkushtohen çdo ditë ta bëjnë këtë, për të dhënë mesazhin “Playing clean” (“Të luajmë pastër”), iu bashkuam nismës sensibilizuese e qëllimmirë të artistit Aulon Naçi për të pastruar zonën e Pyllit të Sodës, “mushkëria e qytetit”, zonë në të cilën ndotja vijon të jetë problem shqetësues

Nisma sensibizuese për më shumë vëmendje e sjellje qytetare ndaj mjedisit”PLAYING CLEAN” ”Të luajmë pastër”, u shoqërua nga tingujt dhe zërat e mrekullueshëm të artistëve të vegjël të Qendrës Kulturore të Fëmijëve, pianistë, këngëtarë dhe violinistë duke i dhënë nismës përmasat e një aktiviteti muzikor në natyrë e për natyrën, duke dhënë mesazhe të vlera dhe edukuese kaq këndshëm me magjinë e talentit emocionues të fëmijëve, bashkë me thirrjen e përhershme për shumë më tepër kujdes.

Mund të edukojmë shumë e të rrisim besim e shpresë në gjërat e mira që bëjmë, vetëm duke e bërë të gjithën me vlerën e secilit. Bravo, Aulon, për nismën dhe artin tënd! Duartrokitje të sinqerta për këdo u bë pjesë e kësaj nisme!

Bravo mësueseve Eli e Albana, që përgatitin talente! Duartrokitje miqësore prindërve për përkushtimin mbi artin e talentin e fëmijëve të tyre! Mbi të gjithë, bravo e suksese fëmijëve të mrekullueshëm që na falën botën në emocionet që përcollën. Mjedisi është një pasuri e përbashkët që nuk na përket vetëm neve, por edhe brezave të ardhshëm. Mjedisi është i të gjithëve dhe të gjithë duhet ta mbrojmë e të kujdesemi për të. ”PLAYING CLEAN”