Pesë persona u vranë nga të shtënat në një shtëpi në Teksas në qytetin e vogël të Cleveland. Mediat ndërkombëtare raportojnë se të prekurit ishin në shtëpi kur u sulmuan nga një burrë me një pushkë automatike të tipit Ar-15. Tre prej tyre u dërguan në spital. Mes viktimave është edhe një djalë tetë vjeçar dhe një vajzë 15-vjeçare.

Sipas hetuesve të shtënat ndodhën pasi banorët i kërkuan një fqinji të ndalonte të shtënat në oborrin e tij, pasi fëmijët po flinin. Ky i fundit ka reaguar duke shkuar te dera e shtëpisë së tyre dhe ka nisur të gjuajë me një pushkë gjysmë automatike të tipit Ar, duke vrarë një burrë, një djalë tetë vjeçar dhe tre gra, dy prej të cilave dyshohet se kanë tentuar të mbrojnë djalin me trupat.

Autori i masakrës është ende në arrati, por tashmë është identifikuar. Ai është Francisco Oropeza, 39 vjeç, si ai dhe viktimat e tij janë të gjithë nga Hondurasi. Autoritetet, pasi siguruan një video që tregonte atë duke iu afruar derës me një Ar-15, e kanë akuzuar për pesë vrasje dhe kanë filluar kërkimet.

Policia po përdor qen dhe një dron në gjueti për të dyshuarin, i cili besohet se fshihet në një pyll aty pranë.

Incidenti erdhi disa ditë pasi nëntë persona u plagosën në një të shtëna gjatë një feste adoleshentësh në Teksasin perëndimor.

Dy javë më parë, katër të rinj u qëlluan për vdekje gjatë një feste të ditëlindjes së një 16-vjeçari në Alabama.