Në zonën e Torovicës në Lezhë ka patur një rast vdekjeje, por ka qenë e pamundur nxjerrja e të vdekurit për ta varrosur për shkak të nivelit të lartë të ujit i cili e kalon 1 metër.

Gazetari i Ora News informon se pas kërkesës së familjeve në zonë kanë mbërritur forcat e ushtrisë nën drejtimin e prefektit Gjergj Prendi, ku do të ndërhyhet me mjete lundruese për të marrë të vdekurin dhe për ta përcjellë për në banesën e fundit.

Në fushën e Torovicës janë të përmbytura rreth 500 hektarë tokë bujqesorë si dhe janë të rrethuara nga uji disa banesa, duke e bërë të pamundur lëvizjen e banorëve.