Një recetë për komplikacione të renda kundër gripit, shkon deri në 5 mijë lekë të rinj. Por pavarësisht se çmim i medikamenteve nuk ka ndryshuar, qytetarët thonë se nuk i përballojnë e përveç kësaj, ankohen edhe për cilësinë e medikamenteve.
Për qytetarët shqiptarë, çmimi i medikamenteve për tu kuruar nga gripi apo virozat, është i papërballueshëm. “Kam marrë gruaja dhe unë. Shumë të shtrenjta. Jashtë i marr më lirë.”“45 mijë lekë për 5 ditë, pastaj nuk pi më ujë. Janë shtrenjtë.”
Veç çmimit, ata ankohen edhe për cilësinë.“Erdha para një jave u përsërit prapa, ilaçet janë skandal.” “Mirë do të ishte jashtë se këtu janë të skaduara.” Farmacistja Muazeze Maçi thotë se çmimet nuk kanë ndryshuar dhe se receta më e shtrenjtë shkojnë deri në 5 mijë lekë të rinj.
“Recetat më të shtrenjta shkojnë deri 50 mijë lekë të vjetra. Nëse ka probleme më shumë varet si ta shohë mjeku.” Sipas saj gjithmonë e më pak mjekët po japin antibiotikë në receta.“Mund të ketë injeksione, shurup, disa vitamina dhe antibiotikë vetëm kur ka komplikacione.”Në ditët e para të janarit vihet re një shtimi lehtë i qytetarëve që paraqiten në farmaci për të blerë antigrip.