Njihuni me Nathan Paulin, 27-vjeçari që ka çmendur të gjithë me guximin dhe ekuilibrin që ka. I riu ka ecur për 30 minuta në litarin që është mbi 70 metra nga toka. Litari ishte lidhur mes Kullës Eifel dhe Teatrit Kombëtar, ndërsa të gjithë u mahnitën, nga ecja e tij sit ë ishte në tokë.

Litari ishte i gjatë 600 metra, dhe pasi eci pak, ai edhe u shtri, duke mahnitur edhe më shumë shikuesit. Për gazetarët, 27-vjeçari tregoi eksperiencën e tij. “E jashtëzakonshme, kjo performancë ishte e mahnitshme, duke marrë parasysh vendin. Për 30 minuta shijova Kullën Eifel”, tha ai.

Ai ka treguar më tej se para 10 vitesh ka ecur me litar, por që ka qenë shumë e vështirë për të, pasi frika më e madhe që ka pasur, ishte lartësia. 27-vjeçari për herë të parë ka ecur në 2019, në lartësinë e 150 metra, përsëri në Paris, mes dy qiell-gërvishtëseve, duke vendosur një rekord të ri botëror.