KurioziteteLajme

Ja pse qeni konsiderohet si miku më besnik i njeriut, e ndihmon të zonjën ta shtyjë makinën e bllokuar nga uji (Video)

Një qen i vogël u fut për të bërë përpjekjet e tij dhe për të ndihmuar në shpëtimin e makinave që kishin ngecur në ujërat e përmbytjeve në Glasgow.

Puck, një qen i llojit spaniel springer, u filmua duke i dhënë një putër ndihmëse pronares së tij Lori Gillies ndërsa çifti shtynë një automjet në rrugë pasi ishte bllokuar me dy gra brenda.

Nga shirat e rrëmbyeshëm, uji ishte mbi gjunjët e Lorit në Harland Street, pranë lumit Klajd. Por, me ndihmësin e saj që i notonte pranë, ajo ishte në gjendje ta ndihmonte drejtuesen e makinës të shkonte në një vend të sigurt.

Vizitorët nuk mund ta besonin kur Puck vuri putrat në parakolpin e pasmë dhe e ndihmoi atë të shtyjë.

Davie Keel, i cili po filmonte përpjekjet e shpëtimit, mund të dëgjohet duke thënë “një qen i vogël poi jep një shtytje” dhe “çfarë qeni qenka”.

Lori, 33 vjeçe, tha për Daily Record: “Pucku dhe unë ishim në shëtitjen tonë të zakonshme dhe ishte një makinë që kishte ngecur në ujë. Kishte dy gra brenda dhe unë zbrita për t’i dhënë një dorë”.

“Ne kurrë nuk kemi pasur përmbytje aq të këqija sa atje. Pucku po notonte pranë meje dhe unë nxora telefonin tim për ta filmuar dhe pastaj ai filloi ta shtyjë”, shtoi ajo.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: