OBSH-ja nuk po u rekomandon shteteve që të lëshojnë “pasaportat e imunitetit” për ata që janë shëruar nga Covid-19, por po shqyrton mundësinë e përdorimit të certifikatave elektronike të vaksinimit. “Ne po shohim nga afër përdorimin e teknologjisë për përgjigjen ndaj Covid-19 dhe mund të punojmë me vendet anëtare drejt një certifikate elektronike të vaksinimit”.
OBSH-ja njoftoi se në bashkëpunim me Estoninë, ka rënë dakord për të zhvilluar një certifikatë ndërkombëtare të vaksinimit, një kartë e verdhë elektronike, pjesë e programit COVAX, krijuar për zhvilluar qasjen e barabartë ndaj vaksinave anti-Covid.
I ftuar në “Opinion”, ministri i Turizmit, Blendi Klosi, ceku këtë çështje duke thënë se “më shumë sesa emrin dhe mbiemrin do të verifikohen se çfarë analizash ka bërë [dikush] dhe se nga cili shtet vjen”.
