Nëse dikur thonim se jemi sëmurë për të shpëtuar nga mësimi, sot ka mënyra më efikase dhe të besueshme. Në Britaninë e Madhe, nxënësit marrin një test pozitiv fals të Covid-19 dhe kështu ata zyrtarisht janë pushim.
Sipas një video të bërë virale, ata përdorin lëng frutash për të krijuar një test pozitiv fals për koronavirus dhe për këtë arsye shkollat iu kanë bërë thirrje prindërve të jenë të kujdesshëm.
Sipas analizave, kur lëngu i portokallit ose pijeve me gaz vendoset në test mund të prodhojë një rezultat pozitiv sepse aciditeti i pijes shkatërron proteinat antitrupe që ndodhen në test.
Megjithëse kjo gjë nuk funksionon gjithmonë, videot tregojnë se nxënësit po e përdorin gjithnjë e më shumë këtë hile.
