Mjeti që shikoni në foto u gjet i djegur te Bishti i Zhurit në Rrogozhinë dhe dyshohet se u përket atentatorëve që vranë me armë zjarri mbrëmjen e sotme dy persona në Durrës, Dori Shkozën, 35 vjeç dhe Anxhelo Avdinë 34 vjeç.
Nga verifikimet rezulton se targat e makinës tip “Benz” AA 639 ZE janë të vjedhura.
Mjeti i është vjedhur shtetasit me iniciale R.L dhe burime të policisë bëjnë me dije se R.L. është banor i fshatit Sineballaj të Rrogozhinës, i cili ka kryer dhe denoncimin në polici.
Pistat hetimore që policia ka ngritur janë të përfshirjes në trafikun e drogës dhe prishjes së pazareve, por edhe ndonjë konflikt i mëparshëm, mes viktimave dhe autorëve.