fbpx
Lajme

Ndahen 93 leje legalizimi në njësinë 7 në kryeqytet/ Gjonaj: Kohë rekord përpunimi

Myfit Balilaj, Natasha Vito, Mandi Kasa, Qamil Mema janë vetëm disa prej qytetarëve që përfituan së bashku me shumë të tjerë lejet e legalizimit. Ministrja e Drejtësisë, Etilda Gjonaj ishte sot e pranishme në ndarjen e 93 lejeve të legalizimit në njësinë 7 në Tiranë. Vetëm gjatë kësaj periudhe janë emetuar 827 leje legalizimi nga Drejtoria e Agjencisë Shtetërore të Kadastrës Tirana Jug në Njësinë Administrative 7, zona kadastrale 8220.

“Në një kohë rekord kjo agjensi kadastrale ka arritur të përpunojë dhe të na mundësojë që sot të shpërndajmë certifikatat e legalizimit për 72 leje të banesave private dhe 21 leje të pallateve të braktisura nga pronari”, u shpreh Gjonaj. “Nuk ka dhuratë më të bukur sesa të japësh zgjidhje një problemi që ekziston që kur banorët kanë bërë aplikimin para 20 vitesh. Pas vitesh endje nga njëra derë në tjetrën, sot jemi këtu për t’ju dhënë në dorë certifikatën e një prone të cilën tani mund ta trashëgoni”, vijoi ajo. “Ky nuk është një proces që po ndodh vetëm në Njësinë 7, por ka ndodhur dhe po ndodh në të gjithë Shqipërinë, pasi për ne qytetari është fillimi dhe fundi i punës tonë të përditshme”, përfundoi ministrja e Drejtësisë.

Në ndarjen e certifikatave ishin të pranishëm edhe drejtori i përgjithshëm i Kadastrës Artan Lame së bashku me drejtorin e ASHK-së Tirana Jug, Mariglen Disha. Lame bëri thirrje që banorët të bëhen bashkë për të finalizuar legalizimin e apartamentit që kanë blerë para shumë vitesh. Ndër të tjera Lame theksoi: “Na shani, por edhe na lavdëroni për punën që bëjnë drejtoritë”.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button