Lirohet nga detyra zv/ministrja e Financave dhe Ekonomisë, Belinda Ikonomi.  Vendimi është marrë ditën e sotme në mbledhjen e qeverisë. “Lirim nga detyra: Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

Vendosi: Znj. Belinda Ikonomi, zëvendësministër i Financave dhe Ekonomisë, lirohet nga kjo detyrë. Ky vendim hyn në fuqi menjëherë.”, thuhet në vendimin e Këshillit të Ministrave. Më herët, zonja Ikonomi ka mbajtur postin e drjtoreshës së Dretorisë së Doganave.