Kandidatja për deptuete e Partisë Demokratike, Grida Duma ka deklaruar për mediat pas incidentit.

Njëri prej personave të përfshirë në incidentin e ndodhur në shtabin elektoral të Partisë Demokratike është drejtor policie. Duma deklaroi se drejtori i policisë i përfshirë në incidentin e kësaj të hëne është Markel Shtylla.

Policia ka identifikuar autorin e plagosjes së një 27-vjeçari në zyrën elektorale të PD në Kavajë dhe është vënë në ndjekje të tij.

Në informacionin zyrtar, policia deklaron se shtetasi Ndriçim Jonuzi si pasojë e një konflikti për motive të dobëta ka hyrë në ambientet e brendshme të një zyre elektorale të një subjekti politik dhe ka plagosur me armë zjarri pistoletë në këmbë shtetasin Bledar Okshtuni, 27 vjeç.

“Plagosi me armë zjarri 27 vjeçarin, identifikohet dhe shpallet në kërkim autori i dyshuar.
Vijon krehja e zonës për kapjen e tij.
Sot rreth orës 19:00, në lagjen nr.4, në Kavajë, shtetasi N. J., dyshohet se si pasojë e një konflikti për motive të dobta, ka hyrë në ambientet e brendshme të një zyre elektorale të një subjekti politik dhe ka plagosur me armë zjarri pistoletë në këmbë shtetasin B. O., 27 vjeç, i cili ndodhet në spitalin e Durrësit, nën kujdesin e mjekëve.

Menjëherë forca të shumta Policie kanë shkuar në vendngjarje dhe vijon krehja e zonës si edhe janë ngritur pika kontrolli në hyrje -dalje të Qytetit për kapjen e autorit.
Grupi hetimor nën drejtimin e Prokurorisë vijon punën për zbardhjen e plotë të rrethanave të ngjarje”, njofton policia.