Lajme

Prag tragjedie në Durrës! Shkëputet muri i pallatit në Durrës, para një jave 5-vjeçari …

Një pjesë e murit të një pallati të dëmtuar nga tërmeti i dy viteve më parë në Durrës është shkëputur sot dhe ka rënë në rrugë. Kalimtarët dhe banorët e zonës që kalojnë aty përditë, thonë se ndihen të rrezikuar.

Policia ka mbërritur në vendin e ngjarjes, në lagjen nr.18 në Durrës, dhe ka rrethuar zonën me shirita, ndërkohë që banorët ankohen duke thënë se kjo nuk është hera e parë.

Një javë më parë, këtij pallati i është shkëputur një pjesë nga katet e sipërme dhe ka lënduar një fëmijë 5 vjeç por për fat të mirë jashtë rrezikut për jetë.

Personat që jetojnë në këtë pallat, janë shprehur se kanë tre muaj pa marrë bonusin e qerasë dhe detyrohet të jetojnë në pallatin e dëmtuar.

Tre katet e para të këtij pallati shtatë katësh në lagjen nr.18 janë seriozisht të dëmtuara dhe përbëjnë kërcënim për jetën e kalimtarëve por dhe disa banorëve që aktualisht jetojnë në të, brenda apartamenteve të tyre.

Banoret shprehen se bashkia nuk ka marrë asnjë masë ndërkohë që për cdo ditë janë të rrezikuar nga shembja e pjesëve të ndryshme të pallatit 7 katësh.

Artikuj të ngjashëm

Leave a Reply

Your email address will not be published. Required fields are marked *

Back to top button
Close