Categories Lajme

Rrëfimi i Agron Shehajt: Si mijëra të tjerë edhe im atë kërkon të dijë ku janë eshtrat e babait të tij

Krimet e komunizmit dhe nevoja për të mos harruar mizoritë e regjimit të egër diktatorial. Nën “Tingujt e Kujtesës”, përmes një mbrëmjeje homazh, u kujtuan artistë e intelektualë që u përndoqën dhe u vranë vetëm sepse krijonin vargje dhe muzikë, vetëm sepse thonin të vërtetën.

Deputeti Agron Shehaj, njëherazi themelues i Kujto.al, një dritare dedikuar krimeve të diktaturës thotë se mostrajtimi, mungesa e informacionit dhe harresa, ka për qëllim mohimin e  krimeve të komunizmit, dhe mohimi i tyre është një krim në vetvete.

Shehaj rrëfeu edhe historinë e familjes së tij përpara familjeve të viktimave të komunizmit.

“Nuk është e vërtetë që shqiptarët nuk duan të dinë.

Im atë është 80 vjeç. Edhe ai, si mijëra të tjerë, do të dijë ku janë eshtrat e babait te tij.

Unë dua të di sa janë të ekzekutuarit, të zhdukurit, të burgosurit dhe të internuarit nga regjimi komunist.

Por unë nuk jam i vetmi. Sipas një anketimi të kryer në 2019, mbi 30% e shqiptarëve ka deklaruar se rrjedh nga një familje e persekutuar. Jam i bindur se secili prej tyre do të dijë të vërtetën, do që krimet e komunizmit të zbardhen dhe të mos harrohen”, tha Shehaj teksa pohoi se pikërisht kjo është arsyeja se pse ka themeluar Fondacionin Kujto.

Aty gjenden profilet e mbi 50 mijë shqiptarëve të persekutuar gjatë regjimit komunist, me emër dhe mbiemër, historitë e secilit prej tyre.

Mijëra shkrime, dokumentarë dhe dëshmi autentike dhe të panjohura.

“Një punë e madhe e cila na shërben sot, por edhe fëmijëve tanë në të ardhmen, për ta bërë të pamundur çdo tentativë mohimi të krimeve të komunizmit”, tha Shehaj.

Postimi i plotë: Një natë homazh dedikuar viktimave të komunizmit përmes notave dhe vargjeve që na kanë lënë si dëshmi e pasuri të çmuar.

Pianistja Elida Dakoli, soprano Alisa Katroshi dhe aktorja Ema Andrea na sollën “Tingujt e Kujtesës” si një thirrje për të mos harruar krimet e komunizmit, për të thënë të vërtetën.

Kjo është arsyeja pse kemi themeluar Fondacionin Kujto.

Në Kujto.al gjejmë profilet e mbi 50 mijë shqiptarëve të persekutuar, historitë e secilit prej tyre. Mijëra shkrime, dokumentarë dhe dëshmi të panjohura.

Një punë e madhe e cila na shërben sot ne, por sidomos fëmijëve tanë në të ardhmen, që askush të mos tentatojë të mohojë krimet e komunizmit.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Dita e sotme me kthjellime dhe vranësira. Temperatruat do te jenë me rritje

Anticikloni subtropikal po ndikon Europën Juglindore, ku presim stabilitet të kushteve atmosferike në territorin e…

LEXO ME SHUME
Categories Lajme

Ngacmimi nga interneti, Tirana në vend të parë për numrin e denoncimeve. Kuçova renditet e dyta

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është…

LEXO ME SHUME
Categories Lajme

Horoskopi, 29 Mars 2024

Dashi Kjo ditë do ju gjejë më produktiv dhe krijues, qoftë në sferën profesionale edhe…

LEXO ME SHUME
Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME
Categories Lajme

Përplasi makinën me të cilën po transportonte emigrantët e paligjshëm dhe u largua, arrestohet italiani në Korçë

Policia ka arrestuar në Korçë një shtetas italian, Massimo Compagnone, i cili përplasi automjetin me…

LEXO ME SHUME