Java e parë e gushtit ka shënuar rritje të fluksit të pushuesve në bregdetin e Vlorës. Eshtë fundjava e parë që pushuesit nga Kosova, Bjellorusia, Italia etj, kanë mbushur plazhet. Ata kanë lënë mënjanë situatën e krijuar nga pandemia e Covid-19 për të marrë rreze e për të pushuar per disa ditë në bregdetin e Vlorës, ku kanë gjetur cmime shume të lira akomodimi, që nisin nga 15 euro deri 20 euro nata për një familje.
Sezoni turistik që është në muajin e fundit të tij është me i vështiri i kaluar ndonjëherë nga operatorët turistikë, edhe pse cmimet i kanë ulur Hotelet nuk kanë punuar më shume se 30% të kapacitetit, ndërsa duke nisur nga baret, restorantet, njësitë e shërbimit e dyqanet me pakice në zonen bregdetare thonë se ky është sezoni ku duhet të përballen me mbijetesën e bizneseve ose falimentimin.
Edhe anijet turistike që bëjnë intenerarin Vlorë-Sazan- Karaburun kanë ulur cmimet e udhëtimit. Pushuesit nga Europa mungojnë tërësisht në plazh me përjashtim te pak hoteleve qe jane prentouar nga pushues prej Europes juglindore. Njësitë hotelierë në Vlorë në fillim të muajt gusht janë në kushtet e mbijetesës, ku gjatë fundjavave prenotimet në to kapin kuotën e 50% në krahasim me vitin e kaluar, ndërsa gjatë ditëve të javës prenotimet janë në kuota minimale afro 20 % në krahasim me një vit më parë.