Një 17-vjeçar palestinez ka rënë nga lartësia ditën e sotme në Tiranë. Ai është dërguar në spital dhe ndodhet nën kujdesin e mjekëve. “Më datë 01.07.2020, rreth orës 16:50, në Selitë, ka rënë nga lartësia, shtetasi i mitur palestinez, me iniciale M.I., 17 vjeç, i cili u dërgua në spital, dhe ndodhet nën kujdesin e mjekëve.” – njofton policia. Ndërkohë, te “Pallati me Shigjeta” një person motor ka aksidentuar një 40-vjeçare, duke përfunduar të dy në spital.
“Më datë 01.07.2020, rreth orës 17:15, tek pallati me shigjeta, motori me drejtues R.B., ka aksidentuar këmbësoren L.Ç., 40 vjeçe,. e cila u dërgua në spital, dhe ndodhet nën kujdesin e mjekëve, gjithashtu nga aksidenti është dëmtuar dhe drejtuesi i motorit shtetasi R.B, i cili ndodhet ne spital, jashtë rrezikut për jetën.” – njofton policia. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.