Dy persona të tjerë kanë gjetur vdekjen, ndërsa Italia është gjunjëzuar nga moti i keq.

Mediat italiane flasin për rreth 20 të vdekur në total ndërkohë që meterologët parashikojnë që shiu i rrëmbyeshëm dhe stuhitë do të vazhdojnë në disa pjesë të Italisë këtë fundjavë, me Lacion, Kampanian, Emilia Romanjën dhe Veneton.

Problematike me sa duket është situata edhe në Siçili, Gjenova, apo Venecia.

Dëmet materiale parashikohen në 1 miliard euro, por ende pa përfunduar stuhitë, kjo shifër pritet të rritet ndjeshëm.

Në shumë zona shkollat janë mbyllur, shumë qytete janë përmbytur, ndër to edhe Venecia.

14 milionë pemë janë shkatërruar, ndërsa siç parashikohet, numri i këtyre pemëve mund të rikuperohet vetëm pas 100 vitesh.