fbpx
Lajme

Trageti me mbetje të rrezikshme amianti, lihen në burg 3 nga të arrestuarit. Protestojnë familjarët, njërit i bie të fikët (Video)

Lihen në burg 3 nga 6 të arrestuarit për ngarkesën me lëndë të rrezikshme në tragetin e mbërritur nga Brindizi që u bllokua në portin e Vlorës.

Në seancën për masën e sigurisë gjyqtarja Arbana Selmanaj vendosi arrest shtëpie për kapitenin e tragetit Festim Tafa dhe administratoren e kompanisë së pastrimit Delfin 1 Elisabeta Cuna. Ndërkohë për Agron Gratën, drejtori operativ i agjencisë EuroFerra, vendosi detyrim paraqitje.

Vendimi i gjyqtares u prit me protesta nga familjarët e pranishëm në sallën e gjyqit, njërit prej tyre i ra të fikët.

“Po dënohet djali i pafajshëm që nuk ka bërë asgjë. Po kapen me sasi të mëdha droge. Pse të dënohet djali? Turp, turp! Fatkeqësi e madhe” deklaroi një zonjë.

“Na hoqën bukën e gojës, janë të pafajshëm të gjithë” u shpreh pronarja e pikës së grumbullimit të mbetjeve në Vlorë.

Mbi të gjashtë rëndon e njëjta akuzë ajo e parashikuar në nenin 171 të kondit të procedurës penale: Krime në fushën e doganave, kontrabanda me mallra të ndaluara ose të kufizuara(Ndryshuar me ligjin nr. 135/2015, datë 5.12.2015) si dhe neni 25 , veprës penale të kryer në bashkepunim.

Importimi, eksportimi ose tranzitimi i paligjshëm i mallrave të ndaluara ose të kufizuara që hyjnë e dalin në Republikën e Shqipërisë, i kryer me çdo mënyrë a mjet qoftë, dënohen me burgim deri në dhjetë vjet.

Akuza e përfaqësuar nga Arjan Xhaferri, kishte kërkuar “arrest me burg” për të gjashte të akuzuarit.

Kujtim Xhaferllari., 65 vjeç, zv. Kapiten i tragetit ”St.Damian”- arrest me burg me afat 2 mujor

Arbër Çuni, 28 vjeç, shofer i furgonit–  arrest me burg me afat 2 mujor

Agron Grata 48 vjeç, drejtor operativ i agjencisë EuroFerra (personi i autorizuar për tregtimin e biletave)-detyrim paraqitje

Festim Tafa., 71 vjeç, kapiten i tragetit- arrest në shtëpi për shkak të moshës

Elisabeta Cuna., 55 vjeçe, administratore e kompanisë së pastrimit Delfin 1-arrest në shtëpi për shkak të gjendjes së rëndë shëndetësore

Zamir Kornuzi., 45 vjeç, pronar i kompanisë së grumbullimit “Kornuzi” –arrest me burg me afat 2 mujor

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button