I nënshtrohet një ndërhyrje rutinë për të vendosur një aparat dhëmbësh, por vdes. Denisa Alexandra Stefanoaia, e njohur si Alex, gjeti vdekjen në Great Ormond Street Hospital (GOSH) në Londrës në moshën 15-vjeçare, si pasojë e komplikimeve që pësoi gjatë një ndërhyrje rutinë në dhëmbë. Vajza ishte obeze dhe gërhiste natën, ndërkohë që komplikimet gjatë ndërhyrjes rezultuan fatale për të.

Mjeku që e operoi kishte folur me familjen për një operacion të thjeshtë, i cili do e ndihmonte që të kishte një gojë të rregullt dhe se gjithçka do të zgjaste rreth 20 minuta, nën anestezi totale. Teksa ndodhej në sallë, adoleshentja nisi që të ndihej keq, mori ngjyrë blu dhe nisi ti dilte gjak nga goja. Ajo u dërgua me urgjencë në terapi intensive, por aty gjeti vdekjen.