Ndahet në dy pjesë anija Mv Wakashio, e bllokuar më 25 korrik, në një dunë koralore në brigjet e Mauritius, ku si pasojë e incidentit u shkarkua 1000 ton karburant në oqean. Ngarkesa transportonte 4 mijë ton karburant, ku ndërhyrja e skuadrave në zonë, arriti që të rekuperojë 3 mijë, por ndodhet ende në të sasi e madhe karburanti, i cili rrezikon që të përfundojë në det, rrezik i shtuar pas thyerjes në mes të anijes.
Njolla e karburantit shihet nga hapësira, duke ndotur një prej brigjeve më të bukura në botë Mauritius. Pamjet janë filmuar nga sateliti Sentinel-2, i programit të vëzhgimit të Kopertnikut, i menaxhuar nga Agjencia Evropiane e Hapësirës. Rrjedhja e karburantit shfaqet si një vijë e zezë e hollë e rrethuar në oqeanin Indian.
