Qeveria greke ka prezantuar një paketë të re masash ekonomike për pensionistët, punonjësit e sektorit privat dhe nëpunësit civilë.
Nga nëntori 2026, rreth 2.2 milionë pensionistë mbi 65 vjeç do të përfitojnë 400 euro ndihmë vjetore, pa kriter të ardhurash apo pasurie. Po ashtu, nga fundi i vitit 2026 priten rritje vjetore të pensioneve për rreth 2.5 milionë pensionistë.
Paga minimale synohet të arrijë në 1000 euro deri në vitin 2028, ndërsa nëpunësit civilë do të përfitojnë rritje pagash dhe një bonus vjetor prej 500 eurosh nga dhjetori 2027.
Paketa synon rritjen e të ardhurave të pensionistëve dhe punonjësve, me zbatim gradual gjatë viteve të ardhshme.
