Shirat e rënë në zonë kanë sjellë gërryerjen e bazës së rrugës që lidh fshatrat e njësisë Sevaster me qytetin e Vlorës. Aksi rrugor në afërsi të fshatit Ploçë është kthyer i rrezikshëm për banorët e zonës.
Vetë banorët kanë dërguar në redaksi pamje ku tregojnë se rruva është dëmtuar e me vijim e shirave mund të kthehet në fatale për banorët.
Ata thonë se kanë njoftuar autoritetet por nuk është marrë asnjë masë. Janë vetë banorët që kanë vendosur disa gurë për të ndaluar kalimin.
Sipas tyre rruga është e rrezikshme dhe shkarja e dherave po vijon. Ata kërkojnë ndërhyrje pasi aksi bllokon disa fshatra.