Vlora në normalitet të plotë, pas reshjeve të shiut me intensitet të lartë. Të gjitha rrugët të kalueshme qysh në orët e paradites. Drejtori i Ujësjellës Kanalizime, Shkëlqim Leskaj flet për punën e realizuar dhe angazhimin maksimal të të gjithë punonjësve.

Pas reshjeve të shiut me intensitet të lartë gjatë mbrëmjes së kaluar, situata në të gjitha rrugët e qytetit të Vlorës është rikthyer në normalitet.

Vlora është zgjuar sot në normalitet të plotë dhe kjo falë punës së punonjësve të Ujësjellës-Kanalizimeve bashkia Vlorë, të cilët gjatë gjithë natës ishin në terren, në ndjekje të situatës.

Largimi në një kohë të shkurtër i ujit nga rrugët e qytetit, erdhi si pasojë e punës së vazhdueshme për normalizimin e situatës, por edhe e ndërhyrjeve të shpeshta në rrjetin e kanalizimeve. Me mjete të specializuara, si dhe angazhimin e të gjitha strukturave u arrit normalizimi i plotë i situatës. Falë angazhimit intensiv gjatë gjithë natës e ditën e sotme Vlora i është rikthyer normalitetit.