Vlorë, denoncim, mbrëmjen e djeshme në Lagjen Pavaresia, një burrë ka kryer këtë veprim tek një familje që banon në atë zonë. Personi shihet teksa vjen nga fillimi i rrugës me një shalqi mjaft të madh të cilin po e mban në dorë, me pas kur afrohet tek shtëpia, shihet duke e hedhur shalqiun nga muri dhe përfundon në oborin e shtëpisë. Në kamerat e sigurise mund të shikoni qartë momentin e hedhjes së shalqiut si dhe personin (fytyra e të cilit është e identifikueshme por e kemi fshehur), shalqiu në oborr ka shkaktuar një rremuje të konsiderueshme sic duket edhe në video.

Familja ka kontaktuar Vlora News me shpresën se nëpërmjet portalit tonë ky person do na kontaktojë dhe do na thotë arsyen e këtij veprimi aq qesharak sa të pashpjegueshëm. Nëse nuk na kontakton duhet të paraqitet tek shtëpia përndryshe do të merren masa të mëtejeshme në polici! Ata shprehen gjithashtu se nuk kanë konflikte me asnjë person, çka e bën këtë situatë akoma dhe më të pakuptimtë. Fatmirësisht nuk ka pasur të lënduar, pasi shalqiu mund të binte mbi kokën e dikujt!