Vlorë, deti me dallgë. Moti i keq dëmton disa mjete të vogla lundruese e peshkimi në Rradhime dhe Orikum të Vlorës. Dëmtime të anijeve ka pasur gjithashtu edhe në Triport, cilësuar si porti i dytë i Vlorës ku disa prej mjete lundruese të ankoruara aty janë dëmtuar si pasojë e përplasjes në mol, teksa disa mjete i ka marrë deti gjatë natës. Gjithashtu në gadishullin e Karaburunit janë dëmtuar rrjetat e peshkimit si rjedhoj e rrymës së detit. Sherif Durmishi peshkatar, ka theksuar se ka pasur dëme të konsiderueshme në mjetet e peshkimit. Kemi dal në kontroll për të parë sesa dëme ka patur.

Peshkatarët kanë nxjerë varkat e tyre të peshkimit në breg për tu shmangur dëmeve.Gjithashtu kemi patur dëme edhe në kalatat e portit. Situata e tillë do të vazhdoj deri në orën 16 të kësaj të marte, teksa lundrimi për mjetet e peshkimit dhe mjetet e tjera të tonazhit të mesëm vijonë i pezulluar edhe për sot.

Ndërkohë që rreshje dëbore ka patur edhe gjatë natës në Llogara. Nuk ka probleme në qarkullimin e automjeteve përgjatë këtij aksi rugorr në qafën e Llogarase,ndërsa trashësia e dëborës është shumë pak centimetra, teksa automjetet në këtë aks rrugor këshillohen të lëvizin me zinxhirë.