fbpx
Lajme

Vlorë, Mbyllen zyrat e Gjendjes Civile, një rast me covid (Foto)

Vlorë – Ndërpritet përkohësisht ofrimi i shërbimit në zyrat e Gjendjes Civile në qytetin e Vlorës Zyrat e Gjendjes Civile në bashkinë Vlorë janë mbyllur për qytetarët, deri në datë 29 korrik 2020. Shërbimet e këtyre zyrave në qytet do të jepen online përmes e-Albania deri në afatin e caktuar ose në zyrat e GJC në Novoselë dhe Qendër Vlorë, përcaktuar nga protokollet e mbrojtjes së shëndetit në të tilla raste.

Shkak për këtë mbyllje është bërë një punonjëse e Gjendjes Civile, e cila ka rezultuar e infektuar me COVID pas kryerjes së testit, ndërkohë si masë preventive edhe punonjësit e tjerë, do të testohen për të parë nëse kanë probleme.

Afati 14-ditor ka të bëjë me masat karantenizuese për rastet e tilla, ndërkohë shërbimi për qytetarët do të mund të jepet rregullisht online ose zyrat e përcaktuara. Kërkohet mirëkuptimi nga qytetarët për situatën dhe apelohet që për mbrojtjen e shëndetit të të gjithëve, të kontribuojmë të gjithë, duke zbatuara masat mbrojtëse.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button