Vazhdon prej disa orësh ndjekja e një gomoneje e cila nga burimet thuhet se të jetë nisur dy ditë më parë nga Vlora me lëndë narkotike, i ka zbarkuar në shtetin fqinj të Italisë dhe më pas ka marrë sërish rrugën e kthimit për në Shqipëri.
“Shërbimeve Policore Vlorë, në orët e para të mëngjesit të sotëm janë vënë në ndjekie të një mjeti lundures të dyshimtë.Konkretisht, Policia Kufitare Vlorë në bashkëpunim me shërbimet e DVP Vlorë, Delta Force, Roja Bregdetare Vlorë dhe Guardia di Finanza, që prej orës 07:00 të mëngjesit të sotëm, kanë pikasur një mjet lundures tip gomone, i cili kryente lëvizje të dyshimta në afërsi të ishullit të Sazanit.Vijon kontrolli i zonës përreth me qëllim konstatimin dhe bllokimin e mjetit lundrues” njofton policia.
Bëhet fjalë për një gomone mbi 11 metra të gjatë me dy motor të fuqishëm ideale për transportimin e lëndëve narkotike. Në momentin e kthimit gomonia është pikasur nga Guardia di Financa në ujërat territorale italiane dhe më pas është ndjekur për rreth 1 orë derisa ka mbërritur në ujërat territoriale shqiptare. Teksa ka mbërritur në zonën shqiptare është njoftuar edhe roja bregdetare shqiptare që bashkë me Guardia di Financan po vazhdojnë tashmë ndjekjen e gomones. Gomonia ka kaluar edhe ujërat bregdetare të Vlorës dhe mendohet të jetë futur në Fier në grykëderdhjen e lumit Vjosë. Momentalisht vazhdon ndjekja e saj.Dyshohet se në bordin e saj janë dy persona.
