Vlorë,  Policia ka arrestuar në flagrancë 4 shtetas pasi kanë drejtuar automjetin në mënyrë të parregullt në Vlorë dhe Sarandë.  Arrestohet shtetasi E.I., 25 vjeç, banues në Vlorë. Ky shtetas u kap në rrugën “Gjergj Kastrioti” duke drejtuar motomjetin, pa targa dhe pa leje drejtimi përkatës. Arrestohet shtetasi B.L., 35 vjeç, banues në Vlorë. Ky shtetas u kap në aksin Bestrovë-Vlorë duke drejtuar automjetin pa leje drejtimi përkatës.

Sarandë, arrestohet shtetasi E.M., 29 vjeç, banues në Delvinë. Ky shtetas u kap në aksin Gajdar-Shijan, duke drejtuar motomjetin pa leje drejtimi përkatës.  Sarandë, arrestohet shtetasi A.M., 52 vjeç, banues në Sarandë. Arrestimi i tij u bë pasi ky shtetas duke drejtuar automjetin në gjendje të dehur, ka goditur 4 mjete të tjera të parkuara pranë rrugës së spitalit duke shkaktuar dëme materiale. Materialet iu referuan Prokurorisë në ngarkim të secilit për veprime të mëtejshme.