Lajme

Zjarri i madh në ish-kombinatin e duhanit, jepet alarmi në Tetovë, autoritetet thirrje qytetarëve të mos dalin jashtë (Foto)

Zjarri i madh, i cili kaploi mëngjesin e sotëm një depo me materiale ndërtimore në ish-kombinatin e duhanit në qytetin e Tetovës, ka bërë që ajri të ketë një ndotje më të madhe.

Nga institucionet përgjegjëse, gjatë gjithë ditës u është bërë thirrje qytetarëve të shmangin lëvizjen pa nevojë nëpër rrugët e qytetit, si dhe në hapësirat shtëpiake t’i mbajnë të mbyllura dyert dhe dritaret.

Përmes një komunikate për media, Qendra për Shëndetin Publik – Tetovë apelojnë që qytetarët të mos dalin nga shtëpitë e tyre dhe të mbajnë maska mbrojtëse, raporton ‘alsat m’.

“Nga Qendra për Shëndet Publik Tetovë, rekomandojmë deri tek të gjithë të sëmurët kronikë dhe fëmijët, që të mos dalin nga shtëpia nëse nuk kanë nevojë si dhe të mbajnë maskë mbrojtëse KN 95. Ndërsa sa i përket ujit të pijshëm informojmë se rezultatet fillestare të ekzaminimit tregojnë se i njejti është i pastër’, thuhet në komunikatë.

Ajo çfarë dihet deri më tani për zjarrin është se i njejti është lokalizuar dhe ekipet po punojnë në shuarjen totale të tij.

Artikuj të ngjashëm

Leave a Reply

Your email address will not be published. Required fields are marked *

Back to top button
Close