Ndërron jetë gazetari i njohur i sportit Vladimir Grillo. Është ndarë nga jeta në moshën 74-vjeçare gazetari i njohur i sportit, Vladimir Grillo. Lajmin është konfirmuar nga kolegu i tij, Dëfrim Methasani i cili me anë të një mesazhi në rrjetet sociale shpreh ngushëllimet për familjen e mikut të tij.
“Shuhet ikona e ekranit per sportin Vladimir Grillo, gazetari dhe komentatori me të cilin ndava 25 vite të jetës sime. Humba një mik të shtrenjtë, ashtu si familja Grillo njeriun më të dashur të saj.
Vërtet dhimbje e madhe. Rtsh humbi simbolin sportiv dhe të mikrofonit. Sëmundja e rëndë e rrëzoi mjeshtrin e fjalës dhe komentit në moshën 74 vjeçare. U prehtë në paqe. Mungesa e tij do të na shoqëroj gjithë jetën”, shkruan Methasani.
