Ministrja e Drejtësisë Etilda Gjonaj përmes një deklarate për mediat njoftoi se është shkarkuar nga detyra dhe është arrestuar drejtori i burgut në Lushnje dhe një tjetër punonjës.

Shkak për këtë është bërë lirimi i parakohshëm nga burgu i Kosovës në Lushnje i Lulzim Cakës, i njohur ndryshe dhe si i tmerrshmi i Beratit.

Nga ana tjetër Lulzim Caka është shpallur në kërkim, pasi duhet të kryejë dhe katër muajt e mbetur të dënimit të tij, që i ëhstë llogaritur gabim përmes falsifikimit të dokumenteve.

“Lulzim Cakaj është liruar 4 muaj e 22 ditë përpara përfundimit të dënimiit, për shkak të llogaritjes së gabuar të dënimit. Është arrestuar në flagrancë drejtori i burgut të Lushnjes Judmir Shurdhi dhe punonjësi Llazar Mio. Ata akuzohen për shpërdorim detyre dhe falsifikim i dokumenteve”, u shpreh Gjonaj.