Qytetarët që u pajisën me patentë në 2019-n u treguan të kujdesshëm në rrugë duke mos shkaktuar asnjë aksident.
Drejtori i Përgjithshëm i Shërbimeve të Transportit Rrugor, Blendi Gonxhja bën të ditur se janë inkurajuese rezultatet e të sapopatentuarve gjatë vitit 2019 në lidhje me aksidentet rrugore.
“Është inkurajuese që me gjithë rritjen e përdoruesve të rrugës, mjete, drejtues mjeti, pedalues e këmbësorë, në 2019-n, kemi rënie të numrit të aksidenteve dhe thuajse 0 aksidente nga të sapopatentuarit. Por duhet punuar për vizion të ri mobiliteti, sepse rrugët s’do na nxënë më”, u shpreh Gonxhja. /j.p/atsh
