Hysen Xhakolli, 21 vjeç është shënjestra e (atentatit) të ndodhur mbrëmjen e djeshme në Shkozë.
Ai ka qenë i shoqëruar nga një vajzë në makinë kur i është bërë pritë nga dy automjete nga 7 persona të maskuar të cilët e kanë qëlluar me armë.
Xhakolli ka qenë në vendin e pasagjerit ndërsa vajza në timonin e mjetit.
Plumbat nuk kanë prekur asnjërin prej të rinjve teksa më pas shënjestra është goditur me mjete të forta dhe aktualisht gjendet në spital.
Xhakolli ka marrë dëmtime të rënda në kokë dhe trup nga dhuna e ushtruar.
Joq shkruan se pamjet e pjesëve të armës së autorëve, që ka përfunduar poshtë mjetit të Xhakollit, gëzhoja dhe krehët e po ashtu edhe një shkop i ndarë më dysh.
Media ka publikuar emrat e atentatorëve të dyshuar, autorë të dyshuar të atentatit: Porositës dhe pjesë e atentatit me pseudonimin Lenci, J. Ndoi, i dyshuar po ashtu si pjesë e atentatit Xh. Çupi (nip/familjar i Oltion Agollit, specialist në Drejtorinë e Përgjithshme të Policisë së Shtetit).
Motiv për ngjarjen dyshohet se është bërë një sherr i mëparshëm midis të rinjve për arsye ende të pazbardhura.
Njoftimi i policisë:
Më datë 18.10.2023, rreth orës 21:30, në Shkozë, persona ende të paidentifikuar kanë goditur me sende të forta shtetasin H. Xh., 21 vjeç, dhe më pas janë larguar.
Si pasojë 21-vjeçari është dëmtuar dhe ndodhet në spital, nën kujdesin e mjekëve.
Grupi hetimor po punon për sqarimin e rrethanave të ngjarjes, identifikimin dhe kapjen e autorëve të dyshuar.
