Pronarja e lepujve Annette Edvard, 63 vjeç, nga Bromsgrove, është edhe pronarja e lepurit më të madh në botë me emrin Jeff. Annette shpenzon 6041 dollarë në vit për të ushqyer lepurushat e saj gjigantë, të cilët konsumojnë deri në 2000 karota dhe 700 mollë. Çdo ditë secili prej tyre konsumon një tas të madh me ushqime. Por Annette thotë se ia vlen çdo qindarkë pasi ata janë shumë të dashur e madje edhe vendosen në divan pranë tyre në ditë të ftohta. “Ata janë miqësorë jo vetëm me njerëzit po edhe me kafshët e tjera! Miku më i mirë i Jeff është një qen boksier i quajtur Kay ”, tregon Annette.
Gjigantët kontinentalë janë raca më e madhe e lepujve dhe mund të rriten në rreth 1 metër kur rriten plotësisht, Darius dhe Jeff janë thuajse 1 metër të gjatë. Annette shtoi: “Darius mbetet i madh, por Jeff është edhe më i madh duke konsideruar se ai është ende një fëmijë. Po pres që ai të rritet shumë më shumë se babai i tij”.
“Sapo mendoj se ai e ka arritur peshën, ai do të matet me veterinerin e tij dhe më pas Guinness do të vërtetojë se ai është lepuri më i madh në botë. Ata vërtet kujdesen për veten më të shumtën e kohës. Ata kurrë nuk bëjnë rrëmujë dhe në të vërtetë do të ishin lepuj të shkëlqyeshëm për në shtëpi”.
