Ministria për Europën dhe Punët e Jashtme bën me dije se prej datës 19 qershor, në Greqi do të lejohet të kalojnë të gjitha kategoritë e udhëtarëve nga Shqipëria si për qëllime familjare, ashtu dhe turistike.
“Udhëtarët do të duhet të kenë me vete: Formularin Plf; Certifikatë vaksinimi, test PCR ose rapid ose; Certifikatë të diagnozës pozitive e vlefshme për dy deri në nëntë muaj”, thekson MEPJ, teksa shton se, “fëmijët mbi 12 vjeç do të ketë të njëjtat kritere hyrëse si të rriturit”.
Pavarësisht kësaj, vijon MEPJ, “në pikat kufitare do të vijojnë të kryhen teste të rastësishme nga autoritetet përkatëse. Deri më datë 28 qershor, mbeten në fuqi kuotat prej 1500 personave në ditë në Kakavijë, 250 në Qafë-Botë dhe 400 në Kapshticë dhe më vonë pritet liberalizimi total i lëvizjes”.
“Plotësimi i PLF është detyrueshëm për të gjithë nga të gjitha pikat kufitare, tokësore ose ajrore. Lutemi plotësimin e këtij formulari të domosdoshëm në rast udhëtimi drejt Greqisë.
Në rast se formulari nuk plotësohet online do të thotë që është arritur kuota ditore e ju duhet të zgjidhni një ditë tjetër për të udhëtuar drejt Greqisë”, thekson MEPJ.
