Një aksident i rëndë ka ndodhur mbrëmjen e sotme në aksin Librazhd-Elbasan, në vendin e quajtur Xibrrakë. Mësohet se një trajler është përplasur me një makinë dhe si pasojë e aksidentit ka humbur jetën shtetasja F.G., rreth 54 vjeçe dhe është plagosur shtetasja G.M., rreth 37 vjeçe, e cila ndodhet jashtë rrezikut për jetën, pasagjere në mjetit tip “Cintron “. Si pasojë e aksidentit është bllokuar për disa minuta qarkullimi i automjeteve në këtë aks.
Ambulanca dhe policia kanë mbërritur menjëherë në vendngjarje, ndërsa ende nuk bëhen me dije shkaqet e aksidentit. “Më datë 09.10.2021, rreth orës 18:33, në aksin rrugor Elbasan-Librazhd, në fshatin Xibrakë, mjeti tip kamion me drejtues shtetasin V.J., nga Maqedonia e Veriut ,është përplasur me mjetin tip “Cintron “, me drejtues shtetasin E.M., banues në Tiranë.
Si pasojë e aksidentit ka ndëruar jetë shtetasja F.G., rreth 54 vjeçe dhe është plagosur shtetasja G.M., rreth 37 vjeçe, jashtë rrezikut për jetën, pasagjere në mjetit tip “Cintron “. Grupi hetimor ndodhet në vendngjarje dhe po punon për zbardhjen e shkakut të aksidentit”, njofton Policia.
