Siç mund ta kujtoni, në maj të 2017, këngëtarja Linda Halimi përfaqësoi Shqipërinë në Eurovizion me këngën “World” (Botë), por pavarsisht zërit dhe një performance të mirë që bëri, Linda nuk arriti që të kalonte në finale duke e lënë garën në fazën e parë.
Asokohe, këngëtarja nuk e kundërshtoi vendimin dhe as nuk foli kundër stafit menaxhues që e shoqëroi nga TVSH, televizioni që e merr përsipër çdo vit shoqërimin e artistëve në Eurovizion.
Mirëpo para disa orësh, teksa i është përgjigjur një pyetje në “Ask me” në Instagram, nëse do t’i rikthehet ndonjëherë kompeticioneve shqiptare, Linda është përgjigjur se nuk e di nëse do të ndodhë në të ardhmen diçka e tillë pasi TVSH ende i ka një borxh.
