Të vendosur prej një viti e gjysmë në Concarneau (Finistère), prindërit Mlloja dhe dy fëmijët e tyre po përgatiten të largohen nga zona ku bajnojnë aktualisht me vendim të Drejtorisë së Departamentit të Kohezionit Social.
Ata shprehen se kanë frikë nga dëbimi përfundimtar nga territori francez.
Të mërkurën, atyre ju dërgua vendimi sipas të cilit nuk do të paguheshin më për të qëndruar në këtë strehim dhe se tani do të duhet të shkojnë në një hotel në Landivisiau, rreth 100 kilometra larg.
“Ne jemi të trishtuar, nuk duam të shkojmë,” – thotë me keqardhje, burri i familjes, Elkider.
“Nuk ka logjikë, përveç se t’i dekurajojë plotësisht ato në qasjen e tyre”, – mësohet të ketë thënë Marina Rakoçeviç, një nga mbështetësit e tyre. Për këtë prind, djali i së cilës shkon në shkollë me djalin nga Shqipëria, ata nuk duhet të largohen nga Concarneau, ku janë integruar mirë.
Djali i tyre më i madh, Ersi, 4 vjeç, është edukuar në një çerdhe në qendër të qytetit, ku mësohet se ai është shumë mirë i integruar, pavarësisht nga fillimet e vështira, sepse ai nuk fliste frëngjisht kur mbërriti.
Fëmija më i vogël, i cili është një vjeç, vuan nga një formë e ashpër e astmës. Prindërit marrin gjithashtu kurse të gjuhës franceze. Këtë të enjte në mëngjes, në dhomën e vogël të hotelit që ata kanë ndarë për një vit e gjysmë, Mlloja kishte mbushur çantat, por shumë sende ishin ende të shpërndara nëpër dhomë. Ndërkohë, bëhet e ditur se të gjithë do të marrin drejtimin drejt Landivisiaut të hënën.
Prindërit Mlloja kanë paraqitur në muajin gusht një kërkesë për leje qëndrimi për fëmijët e sëmurë. Deri tani nuk kanë marrë asnjë përgjigje. Ata i janë drejtuar çdo ditë stacionit policor, duke u frikësuar për refuzim e kërkesës së tyre dhe për këtë arsye një dëbim nga territori, shkruajnë mediet lokale.
Ata arritën në Francë në fillim të vitit 2017, së pari në Bres dhe gjashtë muaj më vonë në Concarneau. Familja ka kaluar nëpër Itali dhe Gjermani për të kërkuar azil në Francë.
“Unë nuk mund të hyj në detajet e rastit, por autoritetet franceze nuk besojnë në persekutimet që janë paraqitur nga familja. Gjithmonë janë argumentet e njëjta, është shumë e vështirë për azilkërkuesit nga Shqipëria që të marrin mbrojtje”, – tha avokati Corinne Touchard, i cili merret me çështjen e tyre.
“Do të ishte e rrezikshme që ata të ktheheshin për të jetuar atje. Ata kanë lënë kushte të vështira jetese, duke përfshirë edhe mafien lokale “, – tha Marina Rakoçeviç.
