Dy makina raportohet se janë përplasur kokë më kokë në rrugën rurale Lushnje-Fiershegan. Nga aksidenti kanë mbetur të plagosur tre persona, të cilët janë nisur me urgjencë në drejtim të spitalit. Mësohet se një mjet tip “Lancia” me targa AA863TY është përplasur me një “Golf” me targa AB220AK. Sipas policisë aksidenti ka ndodhur si pasojë e një manovre të gabuar të dy drejtuesve, si dhe për shkak se rruga ka pasur prani të ujit si pasojë e reshjeve të dendura të shiut. Hetimet në lidhje me ngjarjen vijojnë ende.
